Plantun de Prouvènço

Pèr coumpara dos planto d'encò nostre

Myosotis discolor & Echinochloa oryzoides

Te-vese-e-t'ame(-di-dos-coulour)

Myosotis discolor

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis bicolore, Myosotis de deux couleurs.

Descripcioun :
Aquéu te-vese-e-t'ame, coume lou dis soun noum, a de flour de dos coulour, jauno pièi bluio. Es uno planto pas trop coumuno que trachis dins li pelouso sablouso bagnado l'ivèr. Isto uno meno proche que ié dison lou te-vese-e-t'ame-doutous, Myosotis dubia, que vèn dins li mémi relarg, que fai de flour d'abord blanco, pu pichoto e que la cambo, pu grando elo, a pas jamai li fuio d'en aut "óupousado".

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 3 à 30 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 3 à 4 mm
Flourido : Printems

Sòu : Si
Autour basso e auto : 0 à 1200 m
Aparado : Noun
Mars à jun

Liò : Pelouso - Sablo - Ermas
Estànci : Termoumediterran à Mountagnard
Couroulougi : Paleoutemperado
Ref. sc. : Myosotis discolor Pers., 1797

Panisso(-faus-ris)

Echinochloa oryzoides

Poaceae Graminaceae

Noms en français : Échinochloé faux riz, Mil des rizières.

Descripcioun :
La panisso-faus-ris trachis dins li risiero de Camargo. Sèmblo proun au pèd-de-gau, mai lou brout (paniculo) èi mai sarra en aut, retoumbo sus lou coustat un cop madur, e peréu èi de coulour rousso. Poudèn apoundre que lis espigueto soun mai grosso (> 4 mm e 3 mm pèr Echinochloa crus-galli) e porton toujour de lònguis arèsto (20 à 25 mm).

Usanço :
Aquesto planto s'atrovo soulamen dins li risiero qu'èi samenado emé lou ris. Adounc, au contro dóu pèd-de-gau, fai pas de gròssi poupulacioun e se vèi d'un biais regulié. Pèr acò èi tihous de lucha contro èlo.

Port : Grando erbo
Taio : 30 à 150 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Echinochloa
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 8 à 15 cm
Flourido : Estiéu

Sòu : Ca
Autour basso e auto : 0 à 50 m
Aparado : Noun
Juilet à setèmbre

Liò : Risiero
Estànci : Mesoumediterran
Couroulougi : Óurigino paleoutroupicalo
Ref. sc. : Echinochloa oryzoides (Ard.) Fritsch, 1891

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Myosotis discolor & Echinochloa oryzoides

ges

Coumpara Te-vese-e-t'ame(-di-dos-coulour) emé uno autro planto

Coumpara Panisso(-faus-ris) emé uno autro planto